"ప్రముఖ కవుల ప్రశంసలు"

 "ప్రముఖ కవుల  ప్రశంసలు"

*డా. తిరునగరి గారి* *ఆశిస్సులు వెలకట్టలేని* *మధురస్మృతులు*

*తిరునగరీయం !*

******************

   

*-డా. తిరునగరి*

 *9392465475*

              ***

మంచి కవిత వ్రాయు

మార్గము కృష్ణయ్య

నవ్య మార్గమందు నడచు చుండు

నవత ఉన్న సుకవి

భవిత కృష్ణయ్యదే

తిరునగరిది మాట తిరుగులేదు 

        *****

కవిత అన్న అదియె-

గజవెల్లి శ్రీనన్న

పదము లందు పూల

పరిమళాలు

రాణకెక్కునతడు

రసరమ్య కవిగాను

తిరునగరిది మాట

తిరుగలేదు !

      ****

ఒక్క శబ్ద బ్రహ్మ

ఉభయ భాషలలోన

గరిమ ఉన్న సూరి 

వరుడు -  నేను

గౌరవించు నట్టి

'నారా' మనీషిరా !

తిరునగరిది  మాట

తిరుగులేదు

        ****

నిత్య నవ్య ద్రష్ట -

నిత్య గంగాఝరి

కవిత కొరకు పుట్టె

కందుకూరి

పేరుగన్నవాసి

శ్రీరాములు మనీషి

తిరునగరిది మాట

తిరుగులేదు

         ****

అతని కవిత లోన

అమృతమ్ము ఉన్నది

అతని గీతమందు అగ్ని కలదు

వేణుశ్రీ కవిత్వ వేదిరా విజయోస్తు !

తిరునగరిదిమాట

తిరుగులేదు

       ****

పొంకమైన శైలి

పూదత్తు కృష్ణమో

హనుని దొక్క 

అందమైన ముద్ర

అతని కవిత జగతి

కానందలహరిరా

తిరునగరిది మాట 

తిరుగు లేదు

   

      *****   

       

నాగరాజు, వంశ

నవ కవిత్రయమును

ఎరుగనట్టి వారు

ధరణిలేరు

జలధులన్ని దాటె

ఎలనాగ కవితలు

తిరునగరిది మాట

తిరుగులేదు 

        *****

రాగ మధువు లొల్కు

నాగరాజు సురేంద్ర

కవితలన్న మురిసి

గంతు లేతు

అతని వాచి కమ్ము

నందు ఔచిత్యమ్ము

తిరునగరిది మాట

తిరుగులేదు !

      ****

నాగరాజు రవీంద్ర 

నాకు నచ్చిన‌కవి

హృద్యమైన దతని

పద్యవిద్య

కావ్యశిల్పి అతడు

కమనీయ హృదయుండు

తిరునగరిది  మాట

తిరుగులేదు

        ****

ఆధునికుల యందు

అమ్మంగి ' శిఖరమ్ము '

ప్రముఖ కవివరుండు

-ప్రథిత కీర్తి

సృజన శీలి అతడు

భజన గిట్టని వాడు

తిరునగరిది మాట

తిరుగులేదు

         ****

సాహితీవ్రతుండు -

చక్కని కావ్య స

మీక్షకుండు నేటి 

మేటి సుకవి

స్నేహశీలి అతడు -

సేనాధి పతి - సుధి

తిరునగరిదిమాట

తిరుగులేదు

       ****

 *************

       

డా.తిరునగరి

6-17/5

డి.నగర్

చింతల్  (HO)

హైదరాబాద్

       ****

మార్గం గారూ!

 

వచనకవిత మార్గం

అద్భుతంగా

పట్టుకున్నారు. ఇక

మీకు దోఖా లేదు.

బాగా రాశారు కవిత

- కందు కూరి